wo sar-phiri hawa thi sambhalna paDa mujhe

vo sar-phirī havā thī sambhalnā paḌā mujhe

maiñ āḳhirī charāġh thā jalnā paḌā mujhe

mahsūs kar rahā thā use apne aas paas

apnā ḳhayāl ḳhud hī badalnā paḌā mujhe

sūraj ne chhupte chhupte ujāgar kiyā to thā

lekin tamām raat pighalnā paḌā mujhe

mauzū-e-guftugū thī mirī ḳhāmushī kahīñ

jo zahr pī chukā thā ugalnā paḌā mujhe

kuchh duur tak to jaise koī mere saath thā

phir apne saath aap hī chalnā paḌā mujhe

wo sar-phiri hawa thi sambhalna paDa mujhe

main aaKHiri charagh tha jalna paDa mujhe

mahsus kar raha tha use apne aas pas

apna KHayal KHud hi badalna paDa mujhe

suraj ne chhupte chhupte ujagar kiya to tha

lekin tamam raat pighalna paDa mujhe

mauzu-e-guftugu thi meri KHamushi kahin

jo zahr pi chuka tha ugalna paDa mujhe

kuchh dur tak to jaise koi mere sath tha

phir apne sath aap hi chalna paDa mujhe