wo shaKHs jo rakhta hai jamal aur tarah ka

vo shaḳhs jo rakhtā hai jamāl aur tarah kā

hai us se bichhaḌne kā malāl aur tarah kā

āsār ḳharābī ke haiñ, āġhāz se zāhir

lagtā hai ki guzregā, ye saal aur tarah kā

is shahr-e-ziyāñ-kār ke imkān se bāhar

maiñ ab ke dikhā.ūñgā, kamāl aur tarah kā

hotā hai hamesha hī na.e rañj meñ Duubā

is jāda-e-vahshat pe dhamāl aur tarah kā

is shahr-e-fusūñ-gar ke azaab aur, savāb aur

hijr aur tarah kā hai, visāl aur tarah kā

ab ghar se nikalnā hī paḌegā ki muḳhālif

is baar! uThāte haiñ, savāl aur tarah kā

wo shaKHs jo rakhta hai jamal aur tarah ka

hai us se bichhaDne ka malal aur tarah ka

aasar KHarabi ke hain, aaghaz se zahir

lagta hai ki guzrega, ye sal aur tarah ka

is shahr-e-ziyan-kar ke imkan se bahar

main ab ke dikhaunga, kamal aur tarah ka

hota hai hamesha hi nae ranj mein Duba

is jada-e-wahshat pe dhamal aur tarah ka

is shahr-e-fusun-gar ke azab aur, sawab aur

hijr aur tarah ka hai, visal aur tarah ka

ab ghar se nikalna hi paDega ki muKHalif

is bar! uThate hain, sawal aur tarah ka