wo shoKH baam pe jab be-naqab aaega

vo shoḳh baam pe jab be-naqāb aa.egā

to māhtāb-e-falak ko hijāb aa.egā

ḳhabar na thī ki miTeñge javān hote hī

ajal kā bhes badal kar shabāb aa.egā

paḌegā aks jo saaqī kī chashm-e-maigūñ kā

nazar sharāb meñ jām-e-sharāb aa.egā

hazār haif ki sar nāma-bar kā aayā hai

samajh rahe the ki ḳhat kā javāb aa.egā

kalīm haañ dil-e-betāb ko sambhāle hue

sunā hai tuur pe vo be-naqāb aa.egā

jo aarzū hai hamārī vo kah to deñ lekin

ḳhayāl ye hai ki tum ko hijāb aa.egā

ye shoḳhiyāñ tirī is kam-sinī meñ ai zālim

qayāmat aa.egī jis din shabāb aa.egā

kabhī ye fikr ki vo yaad kyuuñ kareñge hameñ

kabhī ḳhayāl ki ḳhat kā javāb aa.egā

chalā hai 'hijr' siyahkār bazm-e-jānāñ ko

zalīl ho ke ye ḳhāna-ḳharāb aa.egā

wo shoKH baam pe jab be-naqab aaega

to mahtab-e-falak ko hijab aaega

KHabar na thi ki miTenge jawan hote hi

ajal ka bhes badal kar shabab aaega

paDega aks jo saqi ki chashm-e-maigun ka

nazar sharab mein jam-e-sharab aaega

hazar haif ki sar nama-bar ka aaya hai

samajh rahe the ki KHat ka jawab aaega

kalim han dil-e-betab ko sambhaale hue

suna hai tur pe wo be-naqab aaega

jo aarzu hai hamari wo kah to den lekin

KHayal ye hai ki tum ko hijab aaega

ye shoKHiyan teri is kam-sini mein ai zalim

qayamat aaegi jis din shabab aaega

kabhi ye fikr ki wo yaad kyun karenge hamein

kabhi KHayal ki KHat ka jawab aaega

chala hai 'hijr' siyahkar bazm-e-jaanan ko

zalil ho ke ye KHana-KHarab aaega