wo shoKH dil-o-jaan ki tamanna to na nikla

vo shoḳh dil-o-jāñ kī tamannā to na niklā

sho'la to na niklā vo sharārā to na niklā

mahsūs kiyā dard ke har ruup meñ us ko

āvāz kā afsūñ kabhī jhūTā to na niklā

mahrūmī-e-jāved ne donoñ hī ko maarā

ye rāz-e-mohabbat koī gahrā to na niklā

ye dil kā ḳharāba hī tirī rāhguzar thī

kā'ba to na niklā vo kalīsā to na niklā

vo mere muqaddar kī siyāhī thā sarāpā

nūr-e-shab-e-mahtāb sunahrā to na niklā

ham bhī kisī shīrīñ ke liye ḳhāna-badar the

farhād rah-e-'ishq meñ tanhā to na niklā

is meñ tirī ḳhalvat kā har ik rang hai paayā

ye chāñd sar-e-charḳh akelā to na niklā

pahle se baḌhī aur ġham-e-'ishq kī talḳhī

tū bhī mire dam-sāz masīhā to na niklā

andāz-e-bayāñ terā 'azīm' aur hī kuchh hai

dekhe sabhī fankār pa tujh sā to na niklā

wo shoKH dil-o-jaan ki tamanna to na nikla

sho'la to na nikla wo sharara to na nikla

mahsus kiya dard ke har rup mein us ko

aawaz ka afsun kabhi jhuTa to na nikla

mahrumi-e-jawed ne donon hi ko mara

ye raaz-e-mohabbat koi gahra to na nikla

ye dil ka KHaraba hi teri rahguzar thi

ka'ba to na nikla wo kalisa to na nikla

wo mere muqaddar ki siyahi tha sarapa

nur-e-shab-e-mahtab sunahra to na nikla

hum bhi kisi shirin ke liye KHana-badar the

farhad rah-e-'ishq mein tanha to na nikla

is mein teri KHalwat ka har ek rang hai paya

ye chand sar-e-charKH akela to na nikla

pahle se baDhi aur gham-e-'ishq ki talKHi

tu bhi mere dam-saz masiha to na nikla

andaz-e-bayan tera 'azim' aur hi kuchh hai

dekhe sabhi fankar pa tujh sa to na nikla