wo to main aag jalane se miyan waqif tha

vo to maiñ aag jalāne se miyāñ vāqif thā

varna tū apne qabīle se kahāñ vāqif thā

ant meñ kyā huā raavī ne batāyā hī nahīñ

yuuñ kahānī se to kahne ko jahāñ vāqif thā

aag meñ koī badan thā ki jo āzād huā

ya.anī a.azā ke tanāsub se dhuāñ vāqif thā

raat kuttoñ ne saḌak sar pe uThā rakkhī thī

aur aaseb kī aamad se makāñ vāqif thā

sandrila ne qabā phaaḌ ke rassī baT lī

aur is baat se bas dev kā gumāñ vāqif thā

wo to main aag jalane se miyan waqif tha

warna tu apne qabile se kahan waqif tha

ant mein kya hua rawi ne bataya hi nahin

yun kahani se to kahne ko jahan waqif tha

aag mein koi badan tha ki jo aazad hua

yani aaza ke tanasub se dhuan waqif tha

raat kutton ne saDak sar pe uTha rakkhi thi

aur aaseb ki aamad se makan waqif tha

sandrila ne qaba phaD ke rassi baT li

aur is baat se bas dew ka guman waqif tha