wo yaad kar bhi raha ho to faeda kya hai

vo yaad kar bhī rahā ho to fā.eda kyā hai

ye dil ujaaḌ paḌā hai ise milā kyā hai

bahut dinoñ se ye dil yūñhī ro rahā hai aur

batā rahā hī nahīñ hai ise huā kyā hai

zarā sī der utarne de apnī āñkhoñ meñ

zarā ye dekhne to de ye rāsta kyā hai

ik aur bhuuk thī jis ne mujhe faqīr kiyā

vagarna paas tire husn ke sivā kyā hai

maiñ apne-āp se kam bhī huuñ aur ziyāda bhī

vo jāntā bhī hai mujh ko to jāntā kyā hai

ye dard-e-ḳhvāb hai is ko bhī chakh ke dekh hī luuñ

pata kahīñ to chale ḳhvāb meñ mazā kyā hai

wo yaad kar bhi raha ho to faeda kya hai

ye dil ujaD paDa hai ise mila kya hai

bahut dinon se ye dil yunhi ro raha hai aur

bata raha hi nahin hai ise hua kya hai

zara si der utarne de apni aankhon mein

zara ye dekhne to de ye rasta kya hai

ek aur bhuk thi jis ne mujhe faqir kiya

wagarna pas tere husn ke siwa kya hai

main apne-ap se kam bhi hun aur ziyaada bhi

wo jaanta bhi hai mujh ko to jaanta kya hai

ye dard-e-KHwab hai is ko bhi chakh ke dekh hi lun

pata kahin to chale KHwab mein maza kya hai