wo zamana-saz bhi tha aur wafa-pesha bhi tha

vo zamāna-sāz bhī thā aur vafā-pesha bhī thā

maiñ ne chāhā hī nahīñ us shaḳhs ko samjhā bhī thā

thī tamāzat ishq kī itnī ki vo vāpas gayā

saath chalne ke liye kuchh duur tak aayā bhī thā

ye haqīqat hī sahī lekin use mānegā kaun

log pyāse bhī rahe aur aañkh meñ dariyā bhī thā

is qadar chāhā use jitnā nahīñ chāhe koī

ye mohabbat hī nahīñ us se mirā badlā bhī thā

ḳhud yaqīñ dil ko na thā is se judā hone talak

vo judā ho jā.egā is baat ko sochā bhī thā

hijr kī shab meñ jo merī aañkh se Dhalkā nahīñ

vo sitāra thā jo sub.h-e-vasl meñ chamkā bhī thā

dasht-e-vīrāñ meñ kahīñ kuchh phuul bhī haiñ yaad ke

sirf chhāyā hī nahīñ bādal kabhī barsā bhī thā

is shanāsā.ī kā da.avā nā-shanāsī hī to hai

mujh ko dekhā bhī thā jis ne aur jo chauñkā bhī thā

ab maiñ lab-basta huuñ 'ādil' to faqat is vāste

sirf samjhā hī nahīñ us shaḳhs ko chāhā bhī thā

wo zamana-saz bhi tha aur wafa-pesha bhi tha

main ne chaha hi nahin us shaKHs ko samjha bhi tha

thi tamazat ishq ki itni ki wo wapas gaya

sath chalne ke liye kuchh dur tak aaya bhi tha

ye haqiqat hi sahi lekin use manega kaun

log pyase bhi rahe aur aankh mein dariya bhi tha

is qadar chaha use jitna nahin chahe koi

ye mohabbat hi nahin us se mera badla bhi tha

KHud yaqin dil ko na tha is se juda hone talak

wo juda ho jaega is baat ko socha bhi tha

hijr ki shab mein jo meri aankh se Dhalka nahin

wo sitara tha jo subh-e-wasl mein chamka bhi tha

dasht-e-viran mein kahin kuchh phul bhi hain yaad ke

sirf chhaya hi nahin baadal kabhi barsa bhi tha

is shanasai ka dawa na-shanasi hi to hai

mujh ko dekha bhi tha jis ne aur jo chaunka bhi tha

ab main lab-basta hun 'adil' to faqat is waste

sirf samjha hi nahin us shaKHs ko chaha bhi tha