wo zindagi jo shab-e-intizar guzri thi

vo zindagī jo shab-e-intizār guzrī thī

tire karam se bahut ḳhush-gavār guzrī thī

ġhazab ki aaj vahī dil hai ġham-kash-e-duniyā

nigāh-e-nāz bhī kal jis pe baar guzrī thī

sukūñ-nasīb vahī ab haiñ jin kī umr kabhī

harīf-e-gardish-e-lail-o-nahār guzrī thī

fareb-e-nūr-e-sahar de ga.ī nigāhoñ ko

jo barq raat sar-e-shāḳh-sār guzrī thī

zamāna aaj qayāmat samajh rahā hai jise

vahī to sar se mire baar baar guzrī thī

ḳhabar hai kis ko nasheman ke chaar tinkoñ kī

ye jāntā huuñ sabā be-qarār guzrī thī

na jaane kyoñ hai mohabbat ko phir usī kī talāsh

vo barhamī jo kabhī nāgavār guzrī thī

'nazīr' lāla-o-gul par nikhār hai ab tak

hai kab kī baat chaman se bahār guzrī thī

wo zindagi jo shab-e-intizar guzri thi

tere karam se bahut KHush-gawar guzri thi

ghazab ki aaj wahi dil hai gham-kash-e-duniya

nigah-e-naz bhi kal jis pe bar guzri thi

sukun-nasib wahi ab hain jin ki umr kabhi

harif-e-gardish-e-lail-o-nahaar guzri thi

fareb-e-nur-e-sahar de gai nigahon ko

jo barq raat sar-e-shaKH-sar guzri thi

zamana aaj qayamat samajh raha hai jise

wahi to sar se mere bar bar guzri thi

KHabar hai kis ko nasheman ke chaar tinkon ki

ye jaanta hun saba be-qarar guzri thi

na jaane kyon hai mohabbat ko phir usi ki talash

wo barhami jo kabhi nagawar guzri thi

'nazir' lala-o-gul par nikhaar hai ab tak

hai kab ki baat chaman se bahaar guzri thi