wurud-e-jism tha jaan ka azab hone laga

vurūd-e-jism thā jaañ kā azaab hone lagā

lahū meñ utrā magar zahr aab hone lagā

koī to aa.e sunā.e naved-e-tāza mujhe

uTho ki hashr se pahle hisāb hone lagā

use shubah hai jhulas jā.egā vo saath mire

mujhe ye ḳhauf ki maiñ āftāb hone lagā

phir us ke sāmne chup kī kaḌī laboñ pe lagī

mirā ye mansab-e-harf aab aab hone lagā

maiñ apne ḳhol meñ ḳhush bhī thā mutma.in bhī thā

maiñ apnī ḳhaak se niklā ḳharāb hone lagā

zarūr mujh se ziyāda hai us meñ kuchh 'ḳhālid'

mirā harīf agar fatah-yāb hone lagā

wurud-e-jism tha jaan ka azab hone laga

lahu mein utra magar zahr aab hone laga

koi to aae sunae nawed-e-taza mujhe

uTho ki hashr se pahle hisab hone laga

use shubah hai jhulas jaega wo sath mere

mujhe ye KHauf ki main aaftab hone laga

phir us ke samne chup ki kaDi labon pe lagi

mera ye mansab-e-harf aab aab hone laga

main apne KHol mein KHush bhi tha mutmain bhi tha

main apni KHak se nikla KHarab hone laga

zarur mujh se ziyaada hai us mein kuchh 'KHalid'

mera harif agar fatah-yab hone laga