wusat-e-sai-e-karam dekh ki sar-ta-sar-e-KHak

vus.at-e-sa.i-e-karam dekh ki sar-tā-sar-e-ḳhāk

guzre hai ābla-pā abr-e-guhar-bār hunūz

yak-qalam kāġhaz-e-ātish-zada hai safha-e-dasht

naqsh-e-pā meñ hai tab-e-garmī-e-raftār hunūz

dāġh-e-atfāl hai dīvāna ba-kohsār hunūz

ḳhalvat-e-sañg meñ hai naala talab-gār hunūz

ḳhāna hai sail se ḳhū-karda-e-dīdār hunūz

dūrbīñ dar-zada hai raḳhna-e-dīvār hunūz

aa.ī yak-umr se ma.azūr-e-tamāsha nargis

chashm-e-shabnam meñ na TuuTā mizha-e-ḳhār hunūz

kyuuñ huā thā taraf-e-ābla-e-pā yā-rab

jaada hai vā-shudan-e-pechish-e-tūmār hunūz

hoñ ḳhamoshī-e-chaman hasrat-e-dīdār 'asad'

mizha hai shāna-kash-e-turra-e-guftār hunūz

wusat-e-sai-e-karam dekh ki sar-ta-sar-e-KHak

guzre hai aabla-pa abr-e-guhar-bar hunuz

yak-qalam kaghaz-e-atish-zada hai safha-e-dasht

naqsh-e-pa mein hai tab-e-garmi-e-raftar hunuz

dagh-e-atfal hai diwana ba-kohsar hunuz

KHalwat-e-sang mein hai nala talab-gar hunuz

KHana hai sail se KHu-karda-e-didar hunuz

durbin dar-zada hai raKHna-e-diwar hunuz

aai yak-umr se mazur-e-tamasha nargis

chashm-e-shabnam mein na TuTa mizha-e-KHar hunuz

kyun hua tha taraf-e-abla-e-pa ya-rab

jada hai wa-shudan-e-pechish-e-tumar hunuz

hon KHamoshi-e-chaman hasrat-e-didar 'asad'

mizha hai shana-kash-e-turra-e-guftar hunuz