tere kuche mein jo baiTha hai pagal
tire kūche meñ jo baiThā hai pāgal
vo dil se haath dho baiThā hai pāgal
tasavvur meñ tumhārā saath pā kar
lo apne hosh kho baiThā hai pāgal
tirī ḳhushbū jidhar ko jā rahī hai
usī jānib hī to baiThā hai pāgal
zamāne par to khul kar hañs rahā thā
tire chhūte hī ro baiThā hai pāgal
ishāre ishq kī maujoñ ke pā kar
badan-kashtī Dubo baiThā hai pāgal
ta.āruf yuuñ mirā detī hai duniyā
chale jaao ki vo baiThā hai pāgal
suḳhan-var fikr ke lamhoñ meñ aksar
lage hai yuuñ ki go baiThā hai pāgal
tumhāre dar pe kitnī muddatoñ se
nigāheñ pher lo baiThā hai pāgal
mirī āñkhoñ ke ziine se utar kar
mirā dāman bhigo baiThā hai pāgal
tere kuche mein jo baiTha hai pagal
wo dil se hath dho baiTha hai pagal
tasawwur mein tumhaara sath pa kar
lo apne hosh kho baiTha hai pagal
teri KHushbu jidhar ko ja rahi hai
usi jaanib hi to baiTha hai pagal
zamane par to khul kar hans raha tha
tere chhute hi ro baiTha hai pagal
ishaare ishq ki maujon ke pa kar
badan-kashti Dubo baiTha hai pagal
taaruf yun mera deti hai duniya
chale jao ki wo baiTha hai pagal
suKHan-war fikr ke lamhon mein aksar
lage hai yun ki go baiTha hai pagal
tumhaare dar pe kitni muddaton se
nigahen pher lo baiTha hai pagal
meri aankhon ke zine se utar kar
mera daman bhigo baiTha hai pagal
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
