ya-KHuda aisi KHush-nawai de

yā-ḳhudā aisī ḳhush-navā.ī de

jo hamesha use sunā.ī de

aisī bīnā.ī kar 'atā mujh ko

har jagah bas vahī dikhā.ī de

ġham kī duniyā meñ ai mire mālik

tāqat-e-sabr-āzmā.ī de

bhuul kar bhī na bhuul pā.ūñ maiñ

mere dil meñ vo āshnā.ī de

maiñ ne zaḳhmoñ ko phuul kar Daalā

ab masīhā mujhe duhā.ī de

chand din meñ to kuchh nahīñ hotā

zindagī de to intihā.ī de

ik qasīda 'azal' bhī likkhegī

mere lafzoñ ko raushnā.ī de

ya-KHuda aisi KHush-nawai de

jo hamesha use sunai de

aisi binai kar 'ata mujh ko

har jagah bas wahi dikhai de

gham ki duniya mein ai mere malik

taqat-e-sabr-azmai de

bhul kar bhi na bhul paun main

mere dil mein wo aashnai de

main ne zaKHmon ko phul kar Dala

ab masiha mujhe duhai de

chand din mein to kuchh nahin hota

zindagi de to intihai de

ek qasida 'azal' bhi likkhegi

mere lafzon ko raushnai de