ya-rab shab-e-visal ye kaisa gajar baja

yā-rab shab-e-visāl ye kaisā gajar bajā

agle pahar ke saath hī pichhlā pahar bajā

āvāz-e-sūr sun ke kahā dil ne qabr meñ

kis kī barāt aa.ī ye baajā kidhar bajā

kahte haiñ āsmāñ jo tumhāre makāñ ko ham

kahtā hai āftāb durust aur qamar bajā

jaago nahīñ ye ḳhvāb kā mauqa.a musāfiro

naqqārā tak bhī coach kā vaqt-e-sahar bajā

ta.amīr maqbare kī hai lāzim bajā.e-qasr

zar-dāroñ se kaho ki kareñ sarf-e-zar bajā

haiñ ham to shādmāñ ki hai ḳhat meñ payām-e-vasl

baġhleñ ḳhushī se tū bhī to ai nāma-bar bajā

tujh ko nahīñ jo un se mohabbat kahāñ mujhe

taalī na ek haath se ai be-ḳhabar bajā

nafrat hai ye ḳhushī se ki ashk ...apne gir paḌe

ham-rāh ta.aziya ke bhī baajā agar bajā

jā-e-qayām manzil-e-hastī na thī 'amīr'

utre the ham sirā meñ ki kos-e-safar bajā

ya-rab shab-e-visal ye kaisa gajar baja

agle pahar ke sath hi pichhla pahar baja

aawaz-e-sur sun ke kaha dil ne qabr mein

kis ki baraat aai ye baja kidhar baja

kahte hain aasman jo tumhaare makan ko hum

kahta hai aaftab durust aur qamar baja

jago nahin ye KHwab ka mauqa musafiro

naqqara tak bhi coach ka waqt-e-sahar baja

tamir maqbare ki hai lazim bajae-qasr

zar-daron se kaho ki karen sarf-e-zar baja

hain hum to shadman ki hai KHat mein payam-e-wasl

baghlen KHushi se tu bhi to ai nama-bar baja

tujh ko nahin jo un se mohabbat kahan mujhe

tali na ek hath se ai be-KHabar baja

nafrat hai ye KHushi se ki ashk apne gir paDe

ham-rah taziya ke bhi baja agar baja

ja-e-qayam manzil-e-hasti na thi 'amir'

utre the hum sira mein ki kos-e-safar baja