yaad aata hai roz o shab koi
yaad aatā hai roz o shab koī
ham se rūThā hai be-sabab koī
lab-e-jū chhāñv meñ daraḳhtoñ kī
vo mulāqāt thī ajab koī
jab tujhe pahlī baar dekhā thā
vo bhī thā mausam-e-tarab koī
kuchh ḳhabar le ki terī mahfil se
duur baiThā hai jāñ-ba-lab koī
na ġham-e-zindagī na dard-e-firāq
dil meñ yūñhī sī hai talab koī
yaad aatī haiñ duur kī bāteñ
pyaar se dekhtā hai jab koī
choT khaa.ī hai bār-hā lekin
aaj to dard hai ajab koī
jin ko miTnā thā miT chuke 'nāsir'
un ko rusvā kare na ab koī
yaad aata hai roz o shab koi
hum se ruTha hai be-sabab koi
lab-e-ju chhanw mein daraKHton ki
wo mulaqat thi ajab koi
jab tujhe pahli bar dekha tha
wo bhi tha mausam-e-tarab koi
kuchh KHabar le ki teri mahfil se
dur baiTha hai jaan-ba-lab koi
na gham-e-zindagi na dard-e-firaq
dil mein yunhi si hai talab koi
yaad aati hain dur ki baaten
pyar se dekhta hai jab koi
choT khai hai bar-ha lekin
aaj to dard hai ajab koi
jin ko miTna tha miT chuke 'nasir'
un ko ruswa kare na ab koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
