yaad aatī hai mujhe jab ḳhush-bayānī aap kī
kuchh na.e lafzoñ meñ kahtā huuñ kahānī aap kī
aap ne parvā na kī maiñ qaid-e-hastī se chhuTā
mehrbānī ho ga.ī nā-mehrbānī aap kī
qatl kī zid hai nazākat se nahīñ uThtī hai teġh
dīdanī hai aaj to shān-e-javānī aap kī
jānñe vāloñ se parda is qadar be-kār hai
husn zāhir sab pe aur ye lan-tarānī aap kī
marne vaale kar ke āñkheñ band qabroñ meñ ga.e
vāh-vā kis shaan se aa.ī javānī aap kī
dāġh-e-ulfat is liye siine meñ rakkhā hai nihāñ
koī mere paas kyoñ dekhe nishānī aap kī
yaad aati hai mujhe jab KHush-bayani aap ki
kuchh nae lafzon mein kahta hun kahani aap ki
aap ne parwa na ki main qaid-e-hasti se chhuTa
mehrbani ho gai na-mehrbani aap ki
qatl ki zid hai nazakat se nahin uThti hai tegh
didani hai aaj to shan-e-jawani aap ki
jaanne walon se parda is qadar be-kar hai
husn zahir sab pe aur ye lan-tarani aap ki
marne wale kar ke aankhen band qabron mein gae
wah-wa kis shan se aai jawani aap ki
dagh-e-ulfat is liye sine mein rakkha hai nihan
koi mere pas kyon dekhe nishani aap ki
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.