yaad-e-ayyame koi wajh-e-pareshani to thi
yād-e-ayyāme koī vaj.h-e-pareshānī to thī
aañkh yuuñ ḳhālī nahīñ thī is meñ hairānī to thī
lab pe mohr-e-ḳhāmushī pahle bhī lagtī thī magar
aah kī ruḳhsat to thī ashkoñ kī arzānī to thī
thī nazar ke sāmne kuchh to talāfī kī umiid
khet sūkhā thā magar dariyā meñ tuġhyānī to thī
bazm se uTThe to kyā ḳhalvat meñ jā baiThe to kyā
tark-e-duniyā par bhī duniyā jānī-pahchānī to thī
dard ik jauhar hai paikar se ġharaz rakhtā nahīñ
aañkh meñ aañsū na the lab par ġhazal-ḳhvānī to thī
yaad-e-ayyame koi wajh-e-pareshani to thi
aankh yun KHali nahin thi is mein hairani to thi
lab pe mohr-e-KHamushi pahle bhi lagti thi magar
aah ki ruKHsat to thi ashkon ki arzani to thi
thi nazar ke samne kuchh to talafi ki umid
khet sukha tha magar dariya mein tughyani to thi
bazm se uTThe to kya KHalwat mein ja baiThe to kya
tark-e-duniya par bhi duniya jaani-pahchani to thi
dard ek jauhar hai paikar se gharaz rakhta nahin
aankh mein aansu na the lab par ghazal-KHwani to thi
- Book : Mujalla Dastavez (Pg. 224)
- Author : Aziz Nabeel
- Publication : Edarah Dastavez (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
