yaad hai shadi mein bhi hangama-e-ya-rab mujhe

yaad hai shādī meñ bhī hañgāma-e-yā-rab mujhe

sub.ha-e-zāhid huā hai ḳhanda zer-e-lab mujhe

hai kushād-e-ḳhātir-e-vā-basta dar rahn-e-suḳhan

thā tilism-e-qufl-e-abjad ḳhāna-e-maktab mujhe

yā rab is āshuftagī kī daad kis se chāhiye

rashk āsā.ish pe hai zindāniyoñ kī ab mujhe

tab.a hai mushtāq-e-lazzat-hā-e-hasrat kyā karūñ

aarzū se hai shikast-e-ārzū matlab mujhe

dil lagā kar aap bhī 'ġhālib' mujhī se ho ga.e

ishq se aate the maane mīrzā sāhab mujhe

yaad hai shadi mein bhi hangama-e-ya-rab mujhe

subha-e-zahid hua hai KHanda zer-e-lab mujhe

hai kushad-e-KHatir-e-wa-basta dar rahn-e-suKHan

tha tilism-e-qufl-e-abjad KHana-e-maktab mujhe

ya rab is aashuftagi ki dad kis se chahiye

rashk aasaish pe hai zindaniyon ki ab mujhe

taba hai mushtaq-e-lazzat-ha-e-hasrat kya karun

aarzu se hai shikast-e-arzu matlab mujhe

dil laga kar aap bhi 'ghaalib' mujhi se ho gae

ishq se aate the mane mirza sahab mujhe