yaad ka phir koi darwaza khula aaKHir-e-shab

yaad kā phir koī darvāza khulā āḳhir-e-shab

dil meñ bikhrī koī ḳhushbu-e-qabā āḳhir-e-shab

sub.h phūTī to vo pahlū se uThā āḳhir-e-shab

vo jo ik umr se aayā na gayā āḳhir-e-shab

chāñd se maañd sitāroñ ne kahā āḳhir-e-shab

kaun kartā hai vafā ahd-e-vafā āḳhir-e-shab

lams-e-jānāna liye mastī-e-paimāna liye

hamd-e-bārī ko uThe dast-e-duā āḳhir-e-shab

ghar jo vīrāñ thā sar-e-shām vo kaise kaise

furqat-e-yār ne ābād kiyā āḳhir-e-shab

jis adā se koī aayā thā kabhī avval-e-shab

''usī andāz se chal bād-e-sabā āḳhir-e-shab''

yaad ka phir koi darwaza khula aaKHir-e-shab

dil mein bikhri koi KHushbu-e-qaba aaKHir-e-shab

subh phuTi to wo pahlu se uTha aaKHir-e-shab

wo jo ek umr se aaya na gaya aaKHir-e-shab

chand se mand sitaron ne kaha aaKHir-e-shab

kaun karta hai wafa ahd-e-wafa aaKHir-e-shab

lams-e-jaanana liye masti-e-paimana liye

hamd-e-bari ko uThe dast-e-dua aaKHir-e-shab

ghar jo viran tha sar-e-sham wo kaise kaise

furqat-e-yar ne aabaad kiya aaKHir-e-shab

jis ada se koi aaya tha kabhi awwal-e-shab

usi andaz se chal baad-e-saba aaKHir-e-shab