yaad karna muhaal lagta hai
yaad karnā muhāl lagtā hai
hāfize kā kamāl lagtā hai
garm hāthoñ se aañch aatī hai
sardiyoñ kī vo shaal lagtā hai
vaqt ho dost yā koī pal ho
jo bhī guzrā kamāl lagtā hai
habs itnā hai merī miTTī meñ
saañs lenā muhāl lagtā hai
hijr barsā hai aañkh se jab bhī
mujh ko bhādoñ kā haal lagtā hai
kaun dekhegā haath par qismat
bas lakīroñ kā jaal lagtā hai
mausam-e-ishq aa gayā hai kyā
dastakoñ kā dhamāl lagtā hai
bad-gumānī hai us kī āñkhoñ meñ
dil ke shīshe meñ baal lagtā hai
yaad karna muhaal lagta hai
hafize ka kamal lagta hai
garm hathon se aanch aati hai
sardiyon ki wo shaal lagta hai
waqt ho dost ya koi pal ho
jo bhi guzra kamal lagta hai
habs itna hai meri miTTi mein
sans lena muhaal lagta hai
hijr barsa hai aankh se jab bhi
mujh ko bhadon ka haal lagta hai
kaun dekhega hath par qismat
bas lakiron ka jal lagta hai
mausam-e-ishq aa gaya hai kya
dastakon ka dhamal lagta hai
bad-gumani hai us ki aankhon mein
dil ke shishe mein baal lagta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
