yaad mein teri jahan ko bhulta jata hun main
yaad meñ terī jahāñ ko bhūltā jaatā huuñ maiñ
bhūlne vaale kabhī tujh ko bhī yaad aatā huuñ maiñ
ek dhuñdlā sā tasavvur hai ki dil bhī thā yahāñ
ab to siine meñ faqat ik Tiis sī paatā huuñ maiñ
o vafā-nā-āshnā kab tak sunūñ terā gila
be-vafā kahte haiñ tujh ko aur sharmātā huuñ maiñ
ārzūoñ kā shabāb aur marg-e-hasrat haa.e haa.e
jab bahār aa.e gulistāñ meñ to murjhātā huuñ maiñ
'hashr' merī she'r-goī hai faqat fariyād-e-shauq
apnā ġham dil kī zabāñ meñ dil ko samjhātā huuñ maiñ
yaad mein teri jahan ko bhulta jata hun main
bhulne wale kabhi tujh ko bhi yaad aata hun main
ek dhundla sa tasawwur hai ki dil bhi tha yahan
ab to sine mein faqat ek Tis si pata hun main
o wafa-na-ashna kab tak sunun tera gila
be-wafa kahte hain tujh ko aur sharmata hun main
aarzuon ka shabab aur marg-e-hasrat hae hae
jab bahaar aae gulistan mein to murjhata hun main
'hashr' meri she'r-goi hai faqat fariyaad-e-shauq
apna gham dil ki zaban mein dil ko samjhata hun main
- Book : intekhab-e-zarrin (Pg. 206)
- Author : Sangeet publication
- Publication : Sangeet publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
