yaad rakh kar bhi bhul jate hain

yaad rakh kar bhī bhuul jaate haiñ

dil meñ jitne ḳhayāl aate haiñ

kaash dil ko bhī saaf kar lete

roz gañgā meñ jo nahāte haiñ

haiñ vahī bas vahī haiñ apne dost

jo musībat meñ kaam aate haiñ

chāñd par jaane vaale jā pahuñche

ham abhī tak hañsī uḌāte haiñ

jo hameñ yaad hī nahīñ karte

roz vo ham ko yaad aate haiñ

un ke kahne pe kyoñ yaqīñ aa.e

roz be-par kī jo uḌāte haiñ

'shād' taklīf dekh kar un kī

ḳhud bhī dil meñ chubhan sī paate haiñ

yaad rakh kar bhi bhul jate hain

dil mein jitne KHayal aate hain

kash dil ko bhi saf kar lete

roz ganga mein jo nahate hain

hain wahi bas wahi hain apne dost

jo musibat mein kaam aate hain

chand par jaane wale ja pahunche

hum abhi tak hansi uDate hain

jo hamein yaad hi nahin karte

roz wo hum ko yaad aate hain

un ke kahne pe kyon yaqin aae

roz be-par ki jo uDate hain

'shad' taklif dekh kar un ki

KHud bhi dil mein chubhan si pate hain