yaad rakhne ka bhi wada ho zaruri to nahin

yaad rakhne kā bhī va.ada ho zarūrī to nahīñ

bhuul jaane kā irāda ho zarūrī to nahīñ

naam achchhā sā koī ham ne rakhā hai likh kar

dil kā kāġhaz abhī saada ho zarūrī to nahīñ

is tabassum ko mire dukh kī alāmat na samajh

ye kisī ġham kā labāda ho zarūrī to nahīñ

yūñhī ik baar kabhī ek nazar Daalī thī

us ko ehsās ziyāda ho zarūrī to nahīñ

haañ hisāb-e-ġham-e-daurāñ to bahut mushkil hai

aur phir us kā i.aada ho zarūrī to nahīñ

besh-qīmat hai bahut surḳhī-e-ḳhūn-e-dil bhī

rū-ba-rū jaam meñ baada ho zarūrī to nahīñ

saarī duniyā ke ḳhazāne bhī mayassar hoñ jise

haath bhī us kā kushāda ho zarūrī to nahīñ

yaad rakhne ka bhi wada ho zaruri to nahin

bhul jaane ka irada ho zaruri to nahin

nam achchha sa koi hum ne rakha hai likh kar

dil ka kaghaz abhi sada ho zaruri to nahin

is tabassum ko mere dukh ki alamat na samajh

ye kisi gham ka labaada ho zaruri to nahin

yunhi ek bar kabhi ek nazar Dali thi

us ko ehsas ziyaada ho zaruri to nahin

han hisab-e-gham-e-dauran to bahut mushkil hai

aur phir us ka iada ho zaruri to nahin

besh-qimat hai bahut surKHi-e-KHun-e-dil bhi

ru-ba-ru jam mein baada ho zaruri to nahin

sari duniya ke KHazane bhi mayassar hon jise

hath bhi us ka kushada ho zaruri to nahin