yar ibtida-e-ishq se be-zar hi raha

yaar ibtidā-e-ishq se be-zār hī rahā

bedard dil ke dar piye āzār hī rahā

jis din se dost rakhtā huuñ us ko hijāb-e-husn

apnā hamesha dushman-e-dīdār hī rahā

ye ishq-e-parda-dar na chhupāyā chhupā dareġh

siitā hamesha maiñ lab-e-iz.hār hī rahā

qaid-e-farañg-e-zulf na kāfir ko ho nasīb

jo vaañ phañsā hamesha giraftār hī rahā

jāñ-baḳhsh thā jahāñ kā masīhā-e-lab tirā

lekin maiñ us ke daur meñ bīmār hī rahā

gar qatl-e-be-gunāh thā manzūr yaar ko

marne pe apne maiñ bhī to tayyār hī rahā

daurān-e-lutf maiñ tire ai mub.hvis-navāz

mahrūm vasl se ye gunahgār hī rahā

'hasrat' hamesha us kī shab-e-intizār meñ

juuñ tāla-e-raqīb maiñ bedār hī rahā

yar ibtida-e-ishq se be-zar hi raha

bedard dil ke dar piye aazar hi raha

jis din se dost rakhta hun us ko hijab-e-husn

apna hamesha dushman-e-didar hi raha

ye ishq-e-parda-dar na chhupaya chhupa daregh

sita hamesha main lab-e-izhaar hi raha

qaid-e-farang-e-zulf na kafir ko ho nasib

jo wan phansa hamesha giraftar hi raha

jaan-baKHsh tha jahan ka masiha-e-lab tera

lekin main us ke daur mein bimar hi raha

gar qatl-e-be-gunah tha manzur yar ko

marne pe apne main bhi to tayyar hi raha

dauran-e-lutf main tere ai mubhwis-nawaz

mahrum wasl se ye gunahgar hi raha

'hasrat' hamesha us ki shab-e-intizar mein

jun tala-e-raqib main bedar hi raha