یارب اس پنجرے کے غنچے سے نہ ہوں آزاد ہم

یارب اس پنجرے کے غنچے سے نہ ہوں آزاد ہم

ورنہ بو ئے گل کے رنگوں جائیں گے برباد ہم

دم تو لے قاتل کہ ہو لیں قید خانے سے وداع

کوچۂ زنجیر میں اک عمر تھے آباد ہم

باغ صنعت میں لباسی نہیں ہمارا رنگ فقر

بھگوی کفنی مثل گل رکھتے ہیں مادر زاد ہم

ہم کبھو تجھ دل میں بھولے بھی نہ گزرے یاد رہے

جز فراموشی تیری اور کیا کریں گے یاد ہم

آہ کے شعلوں سے لگ اٹھتا نفس ہم جب چلے

یہاں تلک رکھتے تھے پاس خاطر صیاد ہم

سن لے اے قصاب ٹک ہم بسملوں کا شور حلق

عید قرباں کی سناتے ہیں مبارکباد ہم

چشم پوشی کو تری ہم سمجھے ایمائے طلب

دیتے ہیں کیا کیا فریب خاطر ناشاد ہم

گرد باد کوچۂ دلدار ہے عزلتؔ کی خاک

فقر کی رہ گئیں مڑوڑیں گرچہ گئے برباد ہم