yas makan-e-dil se nikal kar kone kone jalne wali

yaas makān-e-dil se nikal kar kone kone jalne vaalī

darmāñda sī lauT aa.ī hai raat hai shāyad Dhalne vaalī

tum ko hamārī chaah nahīñ hai jab se ye vishvās huā hai

har tahrīr jalā Daalī hai soch hai ruup badalne vaalī

chāñd kī ḳhuddārī se maiñ ab dars-e-ḳhud-āgahī letā huuñ

varna ye māyūsī kī zulmat sadiyoñ se thī badalne vaalī

gītoñ ko dafnā do yahīñ par chīḳhoñ ke uslūb janm do

hañgāmoñ kī riit yahī hai aur yahī hai chalne vaalī

kaise kaise sāhib-e-nazrāñ sar-ba-garebāñ ghuum rahe haiñ

aaj hai jaane kis kī savārī fan ke makāñ se nikalne vaalī

yas makan-e-dil se nikal kar kone kone jalne wali

darmanda si lauT aai hai raat hai shayad Dhalne wali

tum ko hamari chah nahin hai jab se ye wishwas hua hai

har tahrir jala Dali hai soch hai rup badalne wali

chand ki KHuddari se main ab dars-e-KHud-agahi leta hun

warna ye mayusi ki zulmat sadiyon se thi badalne wali

giton ko dafna do yahin par chiKHon ke uslub janm do

hangamon ki rit yahi hai aur yahi hai chalne wali

kaise kaise sahib-e-nazran sar-ba-gareban ghum rahe hain

aaj hai jaane kis ki sawari fan ke makan se nikalne wali