yahan har aane wala ban ke ibrat ka nishan aaya

yahāñ har aane vaalā ban ke ibrat kā nishāñ aayā

gayā zer-e-zamīñ jo koī zer-e-āsmāñ aayā

na ho garm is qadar ai sham.a is meñ terā kyā bigḌā

agar jalne ko ik parvāna-e-ātish-ba-jāñ aayā

ḳhudā jaane milā kyā mujh ko jā kar un kī mahfil meñ

ki bā-sad nā-murādī bhī vahāñ se shādmāñ aayā

jamāyā rañg apnā maiñ ne miT kar tere kūche meñ

yaqīn-e-ishq merā ab to tujh ko bad-gumāñ aayā

na ho āzurda tū āzurdagī kā kaun mauqā hai

agar mahfil meñ terī 'vahshat'-e-āzurda-jāñ aayā

yahan har aane wala ban ke ibrat ka nishan aaya

gaya zer-e-zamin jo koi zer-e-asman aaya

na ho garm is qadar ai shama is mein tera kya bigDa

agar jalne ko ek parwana-e-atish-ba-jaan aaya

KHuda jaane mila kya mujh ko ja kar un ki mahfil mein

ki ba-sad na-muradi bhi wahan se shadman aaya

jamaya rang apna main ne miT kar tere kuche mein

yaqin-e-ishq mera ab to tujh ko bad-guman aaya

na ho aazurda tu aazurdagi ka kaun mauqa hai

agar mahfil mein teri 'wahshat'-e-azurda-jaan aaya