yahan jo zaKHm milte hain wo silte hain yahin mere

yahāñ jo zaḳhm milte haiñ vo silte haiñ yahīñ mere

tumhāre shahr ke sab log to dushman nahīñ mere

talāsh-e-ahd-e-rafta meñ ajā.ib-ghar bhī dekhe haiñ

vahāñ bhī sab havāle haiñ kahīñ tere kahīñ mere

zarā sī maiñ ne tarjīhāt kī tartīb badlī thī

ki aapas meñ ulajh kar rah ga.e duniyā o diiñ mere

falak had hai ki sarhad hai zamīñ ma.adan hai yā madfan

mujhe bechain hī rakhte haiñ ye vahm o yaqīñ mere

maiñ tere zulm kaise hashr tak sahtā chalā jā.ūñ

bas ab to faisle hoñge yahīñ tere yahīñ mere

achānak kis tarah āḳhir ye duniyā chhoḌ saktā huuñ

ḳhazāne jā-ba-jā madfūn haiñ zer-e-zamīñ mere

to jab mere kiye par hai mirā anjām phir anjām

ye maazī haal mustaqbil to haiñ zer-e-nagīñ mere

yahan jo zaKHm milte hain wo silte hain yahin mere

tumhaare shahr ke sab log to dushman nahin mere

talash-e-ahd-e-rafta mein ajaib-ghar bhi dekhe hain

wahan bhi sab hawale hain kahin tere kahin mere

zara si main ne tarjihat ki tartib badli thi

ki aapas mein ulajh kar rah gae duniya o din mere

falak had hai ki sarhad hai zamin madan hai ya madfan

mujhe bechain hi rakhte hain ye wahm o yaqin mere

main tere zulm kaise hashr tak sahta chala jaun

bas ab to faisle honge yahin tere yahin mere

achanak kis tarah aaKHir ye duniya chhoD sakta hun

KHazane ja-ba-ja madfun hain zer-e-zamin mere

to jab mere kiye par hai mera anjam phir anjam

ye mazi haal mustaqbil to hain zer-e-nagin mere