yahan kisi ko bhi kuchh hasb-e-arzu na mila
yahāñ kisī ko bhī kuchh hasb-e-ārzū na milā
kisī ko ham na mile aur ham ko tū na milā
ġhazāl-e-ashk sar-e-sub.h dūb-e-mizhgāñ par
kab aañkh apnī khulī aur lahū lahū na milā
chamakte chāñd bhī the shahr-e-shab ke aivāñ meñ
nigār-e-ġham sā magar koī sham.a-rū na milā
unhī kī ramz chalī hai galī galī meñ yahāñ
jinheñ udhar se kabhī izn-e-guftugū na milā
phir aaj mai-kada-e-dil se lauT aa.e haiñ
phir aaj ham ko Thikāne kā ham-sabū na milā
yahan kisi ko bhi kuchh hasb-e-arzu na mila
kisi ko hum na mile aur hum ko tu na mila
ghazal-e-ashk sar-e-subh dub-e-mizhgan par
kab aankh apni khuli aur lahu lahu na mila
chamakte chand bhi the shahr-e-shab ke aiwan mein
nigar-e-gham sa magar koi shama-ru na mila
unhi ki ramz chali hai gali gali mein yahan
jinhen udhar se kabhi izn-e-guftugu na mila
phir aaj mai-kada-e-dil se lauT aae hain
phir aaj hum ko Thikane ka ham-sabu na mila
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
