yahan shor bachche machate nahin hain

yahāñ shor bachche machāte nahīñ haiñ

parinde bhī ab giit gaate nahīñ haiñ

vafā ke falak par mohabbat ke taare

ḳhudā jaane kyuuñ jhilmilāte nahīñ haiñ

dilāsā na de yuuñ hameñ shaiḳh sa.dī

diloñ meñ samundar samāte nahīñ haiñ

virāsat meñ vaa.iz laqab paane vaale

mohalle kī masjid meñ jaate nahīñ haiñ

musavvir ne tasvīr-e-fursat banā kar

kahā vaqt ko ham bachāte nahīñ haiñ

ḳhas-o-ḳhār se ghoñsla shah kaḌī par

abābīl kyuuñ ab banāte nahīñ haiñ

hameñ tum sikhāo tumheñ ham sikhā.eñ

sabhī kaam to ham ko aate nahīñ haiñ

ye duniyā-e-do rañg-o-roza ke manzar

ki 'abrār' ab dil lubhāte nahīñ haiñ

yahan shor bachche machate nahin hain

parinde bhi ab git gate nahin hain

wafa ke falak par mohabbat ke tare

KHuda jaane kyun jhilmilate nahin hain

dilasa na de yun hamein shaiKH sadi

dilon mein samundar samate nahin hain

wirasat mein waiz laqab pane wale

mohalle ki masjid mein jate nahin hain

musawwir ne taswir-e-fursat bana kar

kaha waqt ko hum bachate nahin hain

KHas-o-KHar se ghonsla shah kaDi par

ababil kyun ab banate nahin hain

hamein tum sikhao tumhein hum sikhaen

sabhi kaam to hum ko aate nahin hain

ye duniya-e-do rang-o-roza ke manzar

ki 'abrar' ab dil lubhate nahin hain