yahan suraj hansenge aansuon ko kaun dekhega

yahāñ sūraj hañseñge āñsuoñ ko kaun dekhegā

chamaktī dhuup hogī jugnuoñ ko kaun dekhegā

phaloñ kī bāġhbānī meñ to bārish kī du'ā hogī

guzarte ḳhūb-sūrat bādaloñ ko kaun dekhegā

agar ham sāhiloñ par Dor kāñTe le ke baiTheñge

to maujoñ meñ chamaktī titliyoñ ko kaun dekhegā

hai sardī vāqa'ī lekin ghane kohre kī yūrish meñ

pahāḌoñ se utartī in basoñ ko kaun dekhegā

bahut achchhā sā koī suiT pahno tang-dastī meñ

ujāloñ meñ chhupī in badliyoñ ko kaun dekhegā

abhī apne ishāre par hameñ chalnā nahīñ aayā

saḌak kī laal piilī battiyoñ ko kaun dekhegā

yahan suraj hansenge aansuon ko kaun dekhega

chamakti dhup hogi jugnuon ko kaun dekhega

phalon ki baghbani mein to barish ki du'a hogi

guzarte KHub-surat baadalon ko kaun dekhega

agar hum sahilon par Dor kanTe le ke baiThenge

to maujon mein chamakti titliyon ko kaun dekhega

hai sardi waqa'i lekin ghane kohre ki yurish mein

pahaDon se utarti in bason ko kaun dekhega

bahut achchha sa koi suiT pahno tang-dasti mein

ujalon mein chhupi in badliyon ko kaun dekhega

abhi apne ishaare par hamein chalna nahin aaya

saDak ki lal pili battiyon ko kaun dekhega