yahan tak kaam aaya jazba-e-zabt-e-fughan apna

yahāñ tak kaam aayā jazba-e-zabt-e-fuġhāñ apnā

khaḌe dekhā kiye jalte hue ham āshiyāñ apnā

haqīqat meñ vahī hai hāsil-e-umr-e-ravāñ apnā

jise sab maut kahte haiñ vo hai ḳhvāb-e-girāñ apnā

bahut kuchh ho chukā tai jāda-e-umr-e-ravāñ apnā

pahuñch jā.egā manzil par kisī din kārvāñ apnā

jahāñ meñ maut ne ulTī naqāb-e-zindagī jis dam

yaqīñ se ḳhud badalnā hī paḌā āḳhir gumāñ apnā

yahīñ kisht-e-tamannā hai yahīñ hai mazra-e-uqbā

isī do din kī duniyā meñ hai saarā imtihāñ apnā

nahīñ jab koī dhabba dāman-e-aslāf pe apne

to phir achchhe se achchhā kyuuñ na hogā dūd-māñ apnā

nishān-e-qabr bhī DhūñDhe se ab miltā nahīñ 'sho.ala'

miTā hai safha-e-hastī se yuuñ nām-o-nishāñ apnā

yahan tak kaam aaya jazba-e-zabt-e-fughan apna

khaDe dekha kiye jalte hue hum aashiyan apna

haqiqat mein wahi hai hasil-e-umr-e-rawan apna

jise sab maut kahte hain wo hai KHwab-e-giran apna

bahut kuchh ho chuka tai jada-e-umr-e-rawan apna

pahunch jaega manzil par kisi din karwan apna

jahan mein maut ne ulTi naqab-e-zindagi jis dam

yaqin se KHud badalna hi paDa aaKHir guman apna

yahin kisht-e-tamanna hai yahin hai mazra-e-uqba

isi do din ki duniya mein hai sara imtihan apna

nahin jab koi dhabba daman-e-aslaf pe apne

to phir achchhe se achchha kyun na hoga dud-man apna

nishan-e-qabr bhi DhunDhe se ab milta nahin 'shoala'

miTa hai safha-e-hasti se yun nam-o-nishan apna