yahan wahan kuchh lafz hain mere nazmen ghazlen teri hain
yahan wahan kuchh lafz hain mere nazmen ghazlen teri hain
Saleem Muhiuddin
MORE BYSaleem Muhiuddin
yahāñ vahāñ kuchh lafz haiñ mere nazmeñ ġhazleñ terī haiñ
rañg dhanak ye mahkā bādal sab tasvīreñ terī haiñ
tanhā rahūñ yā bhiiḌ se guzrūñ tanhā maiñ kab hotā huuñ
yuuñ lagtā hai jaise musalsal mujh pe nigāheñ terī haiñ
tanhā sāhil ḳhvāb gharauñdā aas jazīra merā hai
niilā bādal saat samundar pāñch zamīneñ terī haiñ
husn-e-jānāñ ishq kā jaadū raqs-o-mastī dard kī lai
is mahfil kī jaltī bujhtī saarī shāmeñ terī haiñ
do hissoñ meñ baTī hai kaise ye duniyā yuuñ jaanā hai
ḳhvāb haiñ jitne sab mere haiñ sab ta.abīreñ terī haiñ
yahan wahan kuchh lafz hain mere nazmen ghazlen teri hain
rang dhanak ye mahka baadal sab taswiren teri hain
tanha rahun ya bhiD se guzrun tanha main kab hota hun
yun lagta hai jaise musalsal mujh pe nigahen teri hain
tanha sahil KHwab gharaunda aas jazira mera hai
nila baadal sat samundar panch zaminen teri hain
husn-e-jaanan ishq ka jadu raqs-o-masti dard ki lai
is mahfil ki jalti bujhti sari shamen teri hain
do hisson mein baTi hai kaise ye duniya yun jaana hai
KHwab hain jitne sab mere hain sab tabiren teri hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
