yahi likha hai ki ab main na ma-siwa mein rahun

yahī likhā hai ki ab maiñ na mā-sivā meñ rahūñ

safīr-e-ḳhāk kī sūrat kahīñ ḳhalā meñ rahūñ

sukūt kā ye nagar bhī mujhe aziiz rahe

agar maiñ jā ke kisī mahshar-e-navā meñ rahūñ

maiñ manziloñ ke liye rāste meñ mar jā.ūñ

magar ḳhudā na kare shahr-e-nā-rasā meñ rahūñ

maiñ dekhtā hī rahūñ hashr tak baqā ke ḳhvāb

maiñ hashr tak hī na kyuuñ panja-e-fanā meñ rahūñ

purāne peḌ bhī hairat se mujh ko dekhte haiñ

jo un se baḌh ke maiñ sābit-qadam havā meñ rahūñ

yahi likha hai ki ab main na ma-siwa mein rahun

safir-e-KHak ki surat kahin KHala mein rahun

sukut ka ye nagar bhi mujhe aziz rahe

agar main ja ke kisi mahshar-e-nawa mein rahun

main manzilon ke liye raste mein mar jaun

magar KHuda na kare shahr-e-na-rasa mein rahun

main dekhta hi rahun hashr tak baqa ke KHwab

main hashr tak hi na kyun panja-e-fana mein rahun

purane peD bhi hairat se mujh ko dekhte hain

jo un se baDh ke main sabit-qadam hawa mein rahun