yahi mauqa hai zamane se guzar jaane ka

yahī mauqa hai zamāne se guzar jaane kā

kyuuñ ajal kyā kiyā sāmāñ mire mar jaane kā

kyā kahūñ naza.a meñ maiñ apnī ḳhamoshī kā sabab

rañj hai vaqt ke be-kār guzar jaane kā

hasb-e-ma.amūl chaḌhāyā nahīñ nāseh koī jaam

ye sabab bhī hai mire muñh ke utar jaane kā

tujh se ruḳhsat hai mirī jald bas ai pīr-e-muġhāñ

muntazir huuñ faqat is jaam ke bhar jaane kā

motiyoñ kā thā ḳhazāna mirī chashm-e-tar meñ

ġham hai dil ko inhīñ dānoñ ke bikhar jaane kā

le chalī maut ba-sad-shauq hameñ saath apne

na huā jab koī sāmāñ tire ghar jaane kā

taar hoñ āñsuoñ ke aah ke harkāre hoñ

silsila koī to un tak ho ḳhabar jaane kā

nā-umīdī hameñ pahuñchātī hai pastī kī taraf

yahī ziina to hai koThe se utar jaane kā

din-ba-din paañv kī tāqat meñ kamī hone lagī

'shād' sāmāñ karo is dasht se ghar jaane kā

yahi mauqa hai zamane se guzar jaane ka

kyun ajal kya kiya saman mere mar jaane ka

kya kahun naza mein main apni KHamoshi ka sabab

ranj hai waqt ke be-kar guzar jaane ka

hasb-e-mamul chaDhaya nahin naseh koi jam

ye sabab bhi hai mere munh ke utar jaane ka

tujh se ruKHsat hai meri jald bas ai pir-e-mughan

muntazir hun faqat is jam ke bhar jaane ka

motiyon ka tha KHazana meri chashm-e-tar mein

gham hai dil ko inhin danon ke bikhar jaane ka

le chali maut ba-sad-shauq hamein sath apne

na hua jab koi saman tere ghar jaane ka

tar hon aansuon ke aah ke harkare hon

silsila koi to un tak ho KHabar jaane ka

na-umidi hamein pahunchati hai pasti ki taraf

yahi zina to hai koThe se utar jaane ka

din-ba-din panw ki taqat mein kami hone lagi

'shad' saman karo is dasht se ghar jaane ka