yahi nahin ki bas gham-e-safar hamare sath hai

yahī nahīñ ki bas ġham-e-safar hamāre saath hai

mizāj-e-shabnam o dil-e-sharar hamāre saath hai

unheñ kulāh-e-ḳhvājgī pe naaz hai huā kare

ye anjuman kī anjuman magar hamāre saath hai

shab-e-safar kā ġham hī kyā shab-e-safar hai muḳhtasar

abhī to ek dil sā rāhbar hamāre saath hai

tumhāre dāmanoñ meñ sañg-hā-e-nau-ba-nau sahī

ḳhayāl-e-indimāl-e-zaḳhm-e-sar hamāre saath hai

vo log aur un kī vo dukāñ to baḌh ga.ī magar

sitamgaroñ kī tab' shīshagar hamāre saath hai

jise qadam qadam pe ḳhud hī hājat-e-davā na ho

batāo koī aisā chāra-gar hamāre saath hai

nahīñ agar tufañg o tiir o tesha o tabar to kyā

dil-e-javāñ junūn-e-mo'atabar hamāre saath hai

yahi nahin ki bas gham-e-safar hamare sath hai

mizaj-e-shabnam o dil-e-sharar hamare sath hai

unhen kulah-e-KHwajgi pe naz hai hua kare

ye anjuman ki anjuman magar hamare sath hai

shab-e-safar ka gham hi kya shab-e-safar hai muKHtasar

abhi to ek dil sa rahbar hamare sath hai

tumhaare damanon mein sang-ha-e-nau-ba-nau sahi

KHayal-e-indimal-e-zaKHm-e-sar hamare sath hai

wo log aur un ki wo dukan to baDh gai magar

sitamgaron ki tab' shishagar hamare sath hai

jise qadam qadam pe KHud hi hajat-e-dawa na ho

batao koi aisa chaara-gar hamare sath hai

nahin agar tufang o tir o tesha o tabar to kya

dil-e-jawan junun-e-mo'atabar hamare sath hai