yahi nahin ki mera dil hi mere bas mein na tha

yahī nahīñ ki mirā dil hī mere bas meñ na thā

jo tū milā to meñ ḳhud apnī dastaras meñ na thā

ba-nām-e-ahd-e-rifāqat bhī ham-qadam na huā

ye hausla mire ma.asūm ham-nafas meñ na thā

ajiib sehr kā aalam thā us kī qurbat meñ

vo mere paas thā aur merī dastaras meñ na thā

na jaane qāfila-e-ahl-e-dil pe kyā guzrī

ye iztirāb kabhī nāla-e-jaras meñ na thā

ḳhabar to hogī tujhe tere jāñ-nisāroñ meñ

koī to thā sar-e-maqtal jo pesh-o-pas meñ na thā

'surūr' apne chaman kī fazā hai kyā kahiye

sukūt kā to vo aalam hai jo qafas meñ na thā

yahi nahin ki mera dil hi mere bas mein na tha

jo tu mila to mein KHud apni dastaras mein na tha

ba-nam-e-ahd-e-rifaqat bhi ham-qadam na hua

ye hausla mere masum ham-nafas mein na tha

ajib sehr ka aalam tha us ki qurbat mein

wo mere pas tha aur meri dastaras mein na tha

na jaane qafila-e-ahl-e-dil pe kya guzri

ye iztirab kabhi nala-e-jaras mein na tha

KHabar to hogi tujhe tere jaan-nisaron mein

koi to tha sar-e-maqtal jo pesh-o-pas mein na tha

'surur' apne chaman ki faza hai kya kahiye

sukut ka to wo aalam hai jo qafas mein na tha