yahi sada mujhe aksar sunai deti hai

yahī sadā mujhe aksar sunā.ī detī hai

sukūn kis ko butoñ kī ḳhudā.ī detī hai

vo aadmī jo hamesha mire ḳhilāf rahā

usī kī mujh pe hukūmat dikhā.ī detī hai

mohabbateñ hī sikhātī haiñ har sabaq lekin

bahut se dars hameñ bevafā.ī detī hai

ye uñgliyāñ hī qalam ban ke chalne lagtī haiñ

ye chashm-e-nam hī mujhe raushnā.ī detī hai

kisī ke ishq ne yuuñ dil ko kar diyā raushan

ki raushnī sī har ik sū dikhā.ī detī hai

sulūk ek sā kartī nahīñ hai ulfat bhī

milan kisī ko kisī ko judā.ī detī hai

nahīñ hai duur mirī ruuh ke qarīb hai vo

jhalak usī kī to mujh meñ dikhā.ī detī hai

na aisī duniyā se ummīd ai 'vilā' rakhnā

jo nekiyoñ ke sile meñ burā.ī detī hai

yahi sada mujhe aksar sunai deti hai

sukun kis ko buton ki KHudai deti hai

wo aadmi jo hamesha mere KHilaf raha

usi ki mujh pe hukumat dikhai deti hai

mohabbaten hi sikhati hain har sabaq lekin

bahut se dars hamein bewafai deti hai

ye ungliyan hi qalam ban ke chalne lagti hain

ye chashm-e-nam hi mujhe raushnai deti hai

kisi ke ishq ne yun dil ko kar diya raushan

ki raushni si har ek su dikhai deti hai

suluk ek sa karti nahin hai ulfat bhi

milan kisi ko kisi ko judai deti hai

nahin hai dur meri ruh ke qarib hai wo

jhalak usi ki to mujh mein dikhai deti hai

na aisi duniya se ummid ai 'wila' rakhna

jo nekiyon ke sile mein burai deti hai