yahi to meri wafa ka sila diya hai mujhe

yahī to merī vafā kā sila diyā hai mujhe

ki tum ne bhuul samajh kar bhulā diyā hai mujhe

mire ḳhayāl kī lau ko bujhāne vāloñ ne

charāġh-e-rāh samajh kar jalā diyā hai mujhe

kabhī to sar meñ samāyā junūn kī sūrat

kabhī ġhubār kī sūrat uḌā diyā hai mujhe

tumhāre qurb kī ḳhvāhish ne dāman-e-shab par

tumhāre vasl kā muzhda sunā diyā hai mujhe

maiñ aaj dekh rahī huuñ ki tere kūche meñ

tirī talab ne fasāna banā diyā hai mujhe

udāsiyoñ meñ aTī shām-e-ġham kī chaukhaT par

ḳhayāl-e-yār ne kitnā rulā diyā hai mujhe

jahāñ bhī sham-e-mohabbat jalā.ī hai maiñ ne

havā-e-ġham ne vahīñ par bujhā diyā hai mujhe

yahi to meri wafa ka sila diya hai mujhe

ki tum ne bhul samajh kar bhula diya hai mujhe

mere KHayal ki lau ko bujhane walon ne

charagh-e-rah samajh kar jala diya hai mujhe

kabhi to sar mein samaya junun ki surat

kabhi ghubar ki surat uDa diya hai mujhe

tumhaare qurb ki KHwahish ne daman-e-shab par

tumhaare wasl ka muzhda suna diya hai mujhe

main aaj dekh rahi hun ki tere kuche mein

teri talab ne fasana bana diya hai mujhe

udasiyon mein aTi sham-e-gham ki chaukhaT par

KHayal-e-yar ne kitna rula diya hai mujhe

jahan bhi sham-e-mohabbat jalai hai main ne

hawa-e-gham ne wahin par bujha diya hai mujhe