yak nigah sen liya hai wo gulfam

yak nigah señ liyā hai vo gulfām

kyā ḳhirad kyā shakeb kyā ārām

haq meñ ushshāq ke qayāmat hai

kyā karam kyā itaab kyā dushnām

mujh kuuñ gul-gasht-e-bāġh-e-zindāñ hai

sabza zanjīr-o-shāḳh-e-sumbul-o-dām

mai-kashī kuuñ tirī gulistāñ meñ

sarv-e-mīnā hai daur-e-nargis-e-jām

vaqt hai ab namāz-e-maġhrib kā

chāñd ruḳh lab shafaq hai gesū shaam

aarzū hai jo manzil-e-maqsūd

tark-e-matlab hai muddā-e-tamām

sidq-e-dil señ 'sirāj' bāñdhā hai

ka.aba-e-kū-e-yār kā ehrām

yak nigah sen liya hai wo gulfam

kya KHirad kya shakeb kya aaram

haq mein ushshaq ke qayamat hai

kya karam kya itab kya dushnam

mujh kun gul-gasht-e-bagh-e-zindan hai

sabza zanjir-o-shaKH-e-sumbul-o-dam

mai-kashi kun teri gulistan mein

sarw-e-mina hai daur-e-nargis-e-jam

waqt hai ab namaz-e-maghrib ka

chand ruKH lab shafaq hai gesu sham

aarzu hai jo manzil-e-maqsud

tark-e-matlab hai mudda-e-tamam

sidq-e-dil sen 'siraj' bandha hai

kaba-e-ku-e-yar ka ehram