yak-zarra-e-zamin nahin be-kar bagh ka

yak-zarra-e-zamīñ nahīñ be-kār baaġh kā

yaañ jaada bhī fatīla hai laale ke daaġh kā

be-mai kise hai tāqat-e-āshob-e-āgahī

khīñchā hai ijz-e-hausla ne ḳhat ayāġh kā

bulbul ke kārobār pe haiñ ḳhanda-hā-e-gul

kahte haiñ jis ko ishq ḳhalal hai dimāġh kā

taaza nahīñ hai nashsha-e-fikr-e-suḳhan mujhe

tiryākī-e-qadīm huuñ dūd-e-charāġh kā

sau baar band-e-ishq se āzād ham hue

par kyā kareñ ki dil hī adū hai farāġh kā

be-ḳhūn-e-dil hai chashm meñ mauj-e-nigah ġhubār

ye mai-kada ḳharāb hai mai ke surāġh kā

bāġh-e-shagufta terā bisāt-e-nashāt-e-dil

abr-e-bahār ḳhum-kada kis ke dimāġh kaa?

josh-e-bahār-e-kulfat-e-nazzāra hai 'asad'

hai abr pamba rauzan-e-dīvār-e-bāġh kā

yak-zarra-e-zamin nahin be-kar bagh ka

yan jada bhi fatila hai lale ke dagh ka

be-mai kise hai taqat-e-ashob-e-agahi

khincha hai ijz-e-hausla ne KHat ayagh ka

bulbul ke karobar pe hain KHanda-ha-e-gul

kahte hain jis ko ishq KHalal hai dimagh ka

taza nahin hai nashsha-e-fikr-e-suKHan mujhe

tiryaki-e-qadim hun dud-e-charagh ka

sau bar band-e-ishq se aazad hum hue

par kya karen ki dil hi adu hai faragh ka

be-KHun-e-dil hai chashm mein mauj-e-nigah ghubar

ye mai-kada KHarab hai mai ke suragh ka

bagh-e-shagufta tera bisat-e-nashat-e-dil

abr-e-bahaar KHum-kada kis ke dimagh ka?

josh-e-bahaar-e-kulfat-e-nazzara hai 'asad'

hai abr pamba rauzan-e-diwar-e-bagh ka