yaksu kushada-rawi par chin nahin jabin bhi

yaksū kushāda-ravī par chiiñ nahīñ jabīñ bhī

ham chhoḌī mahr us kī kaash us ko hove kiiñ bhī

aañsū to tere dāman poñchhe hai vaqt girya

ham ne na rakhī muñh par ai abr-e-āstīñ bhī

kartā nahīñ abas to paara gulo-fuġhāñ se

guzre hai paar dil ke ik nāla-e-hazīñ bhī

huuñ ehtizār meñ maiñ ā.īna-rū shitāb aa

jaatā hai varna ġhāfil phir dam to vāpsīñ bhī

siine se tiir us kā jī ko to letā niklā

par sāthoñ saath us ke niklī ik āfrīñ bhī

har shab tirī galī meñ aalam kī jaan jā hai

aage havā hai ab tak aisā sitam kahīñ bhī

shoḳhī-e-jalva us kī taskīn kyūñke baḳhshe

ā.īnoñ meñ diloñ ke jo hai bhī phir nahīñ bhī

gesū hī kuchh nahīñ hai sumbul kī aafat us kā

haiñ barq ḳhirman-e-gul ruḳhsār-e-ātishīñ bhī

taklīf-e-nāla mat kar ai dard dil ki hoñge

ranjīda raah chalte āzurda ham-nashīñ bhī

kis kis kā daaġh dekheñ yārab ġham-e-butāñ meñ

ruḳhsat talab hai jaañ bhī īmān aur diiñ bhī

zer-e-falak jahāñ Tak āsūda 'mīr' hote

aisā nazar na aayā ik qata-e-zamīñ bhī

yaksu kushada-rawi par chin nahin jabin bhi

hum chhoDi mahr us ki kash us ko howe kin bhi

aansu to tere daman ponchhe hai waqt girya

hum ne na rakhi munh par ai abr-e-astin bhi

karta nahin abas to para gulo-fughan se

guzre hai par dil ke ek nala-e-hazin bhi

hun ehtizar mein main aaina-ru shitab aa

jata hai warna ghafil phir dam to wapsin bhi

sine se tir us ka ji ko to leta nikla

par sathon sath us ke nikli ek aafrin bhi

har shab teri gali mein aalam ki jaan ja hai

aage hawa hai ab tak aisa sitam kahin bhi

shoKHi-e-jalwa us ki taskin kyunke baKHshe

aainon mein dilon ke jo hai bhi phir nahin bhi

gesu hi kuchh nahin hai sumbul ki aafat us ka

hain barq KHirman-e-gul ruKHsar-e-atishin bhi

taklif-e-nala mat kar ai dard dil ki honge

ranjida rah chalte aazurda ham-nashin bhi

kis kis ka dagh dekhen yarab gham-e-butan mein

ruKHsat talab hai jaan bhi iman aur din bhi

zer-e-falak jahan Tak aasuda 'mir' hote

aisa nazar na aaya ek qata-e-zamin bhi