yaqin hai ki wo meri zaban samajhta hai

yaqīn hai ki vo merī zabāñ samajhtā hai

magar zabāñ ke ishāre kahāñ samajhtā hai

farāz-e-dār ko jo āsmāñ samajhtā hai

use bhī kab ye alū-e-makāñ samajhtā hai

use patā hai ki ruktī nahīñ hai chhāñv kabhī

to phir vo abr ko kyuuñ sā.ebāñ samajhtā hai

tilism-e-ḳhvāb huā paash paash kab kā magar

haqīqatoñ ko vo parchhā.iyāñ samajhtā hai

use ye rishta-e-āb-o-sarāb lā-yānī

ki vo zuhūr o ḳhifā kī zabāñ samajhtā hai

ye dil kī aag bujhī hai ki sham-e-jāñ huī gul

jo 'mīr' parda-e-shab ko dhuāñ samajhtā hai

tamām lafz khaḌe chīḳhte haiñ aur 'salīm'

ḳhamoshiyoñ ko vafūr-e-bayāñ samajhtā hai

yaqin hai ki wo meri zaban samajhta hai

magar zaban ke ishaare kahan samajhta hai

faraaz-e-dar ko jo aasman samajhta hai

use bhi kab ye alu-e-makan samajhta hai

use pata hai ki rukti nahin hai chhanw kabhi

to phir wo abr ko kyun saeban samajhta hai

tilism-e-KHwab hua pash pash kab ka magar

haqiqaton ko wo parchhaiyan samajhta hai

use ye rishta-e-ab-o-sarab la-yani

ki wo zuhur o KHifa ki zaban samajhta hai

ye dil ki aag bujhi hai ki sham-e-jaan hui gul

jo 'mir' parda-e-shab ko dhuan samajhta hai

tamam lafz khaDe chiKHte hain aur 'salim'

KHamoshiyon ko wafur-e-bayan samajhta hai