yaqin ke waste dil mein guman ho

yaqīñ ke vāste dil meñ gumāñ ho

sharar ho ba.ad meñ pahle dhuāñ ho

mohabbat kāmiyāb-o-kāmrāñ haiñ

koī bachcha hamāre darmiyāñ ho

ḳhamoshī raat se ghere hue hai

mirī āvāz ke panchhī kahāñ ho

patā pā kar vahī pahuñchegā us tak

jo pahle aab be-ghar be-nishāñ ho

nadī kyoñ jhiil meñ sustā rahī hai

mile sāgar se jo paanī ravāñ ho

hamārā pyaar ho bargad kī shāḳheñ

baḌhe jo umr to donā javāñ ho

savāloñ ko to ḳhvāboñ se na bāñdho

tumhārī zindagī bas dāstāñ ho

yaqin ke waste dil mein guman ho

sharar ho baad mein pahle dhuan ho

mohabbat kaamiyab-o-kaamran hain

koi bachcha hamare darmiyan ho

KHamoshi raat se ghere hue hai

meri aawaz ke panchhi kahan ho

pata pa kar wahi pahunchega us tak

jo pahle aab be-ghar be-nishan ho

nadi kyon jhil mein susta rahi hai

mile sagar se jo pani rawan ho

hamara pyar ho bargad ki shaKHen

baDhe jo umr to dona jawan ho

sawalon ko to KHwabon se na bandho

tumhaari zindagi bas dastan ho