ye aaina tha magar gham ki rahguzar mein tha
ye aa.ina thā magar ġham kī rahguzār meñ thā
aTā huā mirā dil dard ke ġhubār meñ thā
qadam qadam pe ka.ī rañg ke the hañgāme
ajiib lutf sitam-hā-e-rozgār meñ thā
na kar sakā maiñ farāmosh us kī koī baat
mirā ḳhayāl ki ye mere iḳhtiyār meñ thā
junūñ ke dasht meñ paiham bhaTak rahā thā dil
magar ye zehn haqā.eq ke kār-zār meñ thā
girā jo palkoñ se ik ashk kah gayā sab kuchh
kahāñ fasāne meñ jo lutf iḳhtisār meñ thā
khule hue the ka.ī maslahat ke darvāze
magar ye dil thā ki Duubā huā vaqār meñ thā
kise pukārte ham rāh-e-zindagī meñ 'arsh'
har ek shaḳhs ḳhud apne hī intizār meñ thā
ye aaina tha magar gham ki rahguzar mein tha
aTa hua mera dil dard ke ghubar mein tha
qadam qadam pe kai rang ke the hangame
ajib lutf sitam-ha-e-rozgar mein tha
na kar saka main faramosh us ki koi baat
mera KHayal ki ye mere iKHtiyar mein tha
junun ke dasht mein paiham bhaTak raha tha dil
magar ye zehn haqaeq ke kar-zar mein tha
gira jo palkon se ek ashk kah gaya sab kuchh
kahan fasane mein jo lutf iKHtisar mein tha
khule hue the kai maslahat ke darwaze
magar ye dil tha ki Duba hua waqar mein tha
kise pukarte hum rah-e-zindagi mein 'arsh'
har ek shaKHs KHud apne hi intizar mein tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
