ye aalam hai to phir kyon hon hawadis se pareshan hum

ye aalam hai to phir kyoñ hoñ havādis se pareshāñ ham

qafas ham āshiyāñ ham ḳhaar ham gul ham gulistāñ ham

hameñ duniyā kī tūfānī havāoñ meñ bhaḌakne do

nahīñ hoñge nahīñ hoñge charāġh-e-zer-e-dāmāñ ham

mazā paayā hai itnā mushkilāt-e-zindagānī meñ

ki dekhe jā.eñge tā-hashr ye ḳhvāb-e-pareshāñ ham

zamāna ham ko tūfāñ meñ phañsā kar mutma.in kyoñ ho

samajhtā hai ki haiñ parvarda-e-āġhosh-e-tūfāñ ham

baḌhe jā.eñge tanhā manzil-e-maqsūd kī jānib

uThā.eñge na hargiz qāfile vāloñ kā ehsāñ ham

hamārī be-nishānī bhī nishāñ kā hukm rakhtī hai

hameñ duniyā miTā.egī magar hoñge numāyāñ ham

ye daur-e-intihā hai is meñ fikr-e-sāz-o-sāmāñ kyā

rahe haiñ ibtidā se be-niyāz-e-sāz-o-sāmāñ ham

ye aalam hai to phir kyon hon hawadis se pareshan hum

qafas hum aashiyan hum KHar hum gul hum gulistan hum

hamein duniya ki tufani hawaon mein bhaDakne do

nahin honge nahin honge charagh-e-zer-e-daman hum

maza paya hai itna mushkilat-e-zindagani mein

ki dekhe jaenge ta-hashr ye KHwab-e-pareshan hum

zamana hum ko tufan mein phansa kar mutmain kyon ho

samajhta hai ki hain parwarda-e-aghosh-e-tufan hum

baDhe jaenge tanha manzil-e-maqsud ki jaanib

uThaenge na hargiz qafile walon ka ehsan hum

hamari be-nishani bhi nishan ka hukm rakhti hai

hamein duniya miTaegi magar honge numayan hum

ye daur-e-intiha hai is mein fikr-e-saz-o-saman kya

rahe hain ibtida se be-niyaz-e-saz-o-saman hum