ye abr-o-baad ye tufan ye andheri raat

ye abr-o-bād ye tūfān ye añdherī raat

ab ek moḌ pe aa jā rafīq-e-rāh-e-hayāt

havā ke dosh pe mauj-e-ajal ḳhirāmāñ hai

marīz-e-dahr pe taarī haiñ naza.a ke lamhāt

hayāt ek taḳhayyul nahīñ haqīqat hai

mujhe batā.ī hai aadam ke azm ne ye baat

mire rafīq mohabbat ke din bhī ā.eñge

vahī hasīn saverā vahī kuñvārī raat

vahī gulāb ke mausam vahī sharāb ke daur

vahī sharīr ghaTā.eñ vahī bharī barsāt

sunā.ī jā.egī koyal ko ham-navā kar ke

hasīn phūloñ ko bhauñroñ kī ek raaz kī baat

ġhazal kī Daal sajā kar chaman kī dulhan ko

'salām' nazr karegā suhāg kī sauġhāt

ye abr-o-baad ye tufan ye andheri raat

ab ek moD pe aa ja rafiq-e-rah-e-hayat

hawa ke dosh pe mauj-e-ajal KHiraman hai

mariz-e-dahr pe tari hain naza ke lamhat

hayat ek taKHayyul nahin haqiqat hai

mujhe batai hai aadam ke azm ne ye baat

mere rafiq mohabbat ke din bhi aaenge

wahi hasin sawera wahi kunwari raat

wahi gulab ke mausam wahi sharab ke daur

wahi sharir ghaTaen wahi bhari barsat

sunai jaegi koyal ko ham-nawa kar ke

hasin phulon ko bhaunron ki ek raaz ki baat

ghazal ki Dal saja kar chaman ki dulhan ko

'salam' nazr karega suhag ki saughat