ye aksar talKH-kaami si rahi kya

ye aksar talḳh-kāmī sī rahī kyā

mohabbat zak uThā kar aa.ī thī kyā

na kasdam haiñ na af.ī haiñ na azhdar

mileñge shahr meñ insān hī kyā

maiñ ab har shaḳhs se uktā chukā huuñ

faqat kuchh dost haiñ aur dost bhī kyā

ye rabt-e-be-shikāyat aur ye maiñ

jo shai siine meñ thī vo bujh ga.ī kyā

mohabbat meñ hameñ pās-e-anā thā

badan kī ishtihā sādiq na thī kyā

nahīñ hai ab mujhe tum par bharosā

tumheñ mujh se mohabbat ho ga.ī kyā

javāb-e-bosa sach añgḌā.iyāñ sach

to phir vo be-vafā.ī jhuuT thī kyā

shikast-e-e'timād-e-zāt ke vaqt

qayāmat aa rahī thī aa ga.ī kyā

ye aksar talKH-kaami si rahi kya

mohabbat zak uTha kar aai thi kya

na kasdam hain na afi hain na azhdar

milenge shahr mein insan hi kya

main ab har shaKHs se ukta chuka hun

faqat kuchh dost hain aur dost bhi kya

ye rabt-e-be-shikayat aur ye main

jo shai sine mein thi wo bujh gai kya

mohabbat mein hamein pas-e-ana tha

badan ki ishtiha sadiq na thi kya

nahin hai ab mujhe tum par bharosa

tumhein mujh se mohabbat ho gai kya

jawab-e-bosa sach angDaiyan sach

to phir wo be-wafai jhuT thi kya

shikast-e-e'timad-e-zat ke waqt

qayamat aa rahi thi aa gai kya