ye ata bhi hai saqi wah kya nirali hai
ye atā bhī hai saaqī vaah kyā nirālī hai
ek jaam chhalkā hai ek jaam ḳhālī hai
zaḳhm patta patta hai dard Daalī Daalī hai
ai mire chaman āḳhir kaun terā maalī hai
phir tire hasīñ va.ade yaad aa ga.e shāyad
maiñ ne ārzūoñ kī bhiiḌ phir lagā lī hai
kyā mirī vafāoñ kā ab lahū nahīñ miltā
tum ne apne hāthoñ meñ kyuuñ hinā lagā lī hai
ai mirī ġhazal tere naaz kaun uThā.egā
ab na koī 'ġhālib' hai ab na koī 'hālī' hai
harf harf hiirā hai lafz lafz motī hai
in hasīn logoñ kī baat hī nirālī hai
pāk-bāz rindoñ ko aur ham kahāñ DhūñDheñ
masjideñ bhī suunī haiñ mai-kada bhī ḳhālī hai
'rāz' ye ġhazal apnī ik hasīñ kā sadqa hai
sher bhī anokhe haiñ haiñ tarz bhī nirālī hai
ye ata bhi hai saqi wah kya nirali hai
ek jam chhalka hai ek jam KHali hai
zaKHm patta patta hai dard Dali Dali hai
ai mere chaman aaKHir kaun tera mali hai
phir tere hasin wade yaad aa gae shayad
main ne aarzuon ki bhiD phir laga li hai
kya meri wafaon ka ab lahu nahin milta
tum ne apne hathon mein kyun hina laga li hai
ai meri ghazal tere naz kaun uThaega
ab na koi 'ghaalib' hai ab na koi 'haali' hai
harf harf hira hai lafz lafz moti hai
in hasin logon ki baat hi nirali hai
pak-baz rindon ko aur hum kahan DhunDhen
masjiden bhi suni hain mai-kada bhi KHali hai
'raaz' ye ghazal apni ek hasin ka sadqa hai
sher bhi anokhe hain hain tarz bhi nirali hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
