ye baat baat mein kya nazuki nikalti hai

Dagh Dehlvi

ye baat baat mein kya nazuki nikalti hai

Dagh Dehlvi

MORE BYDagh Dehlvi

    ye baat baat meñ kyā nāzukī nikaltī hai

    dabī dabī tire lab se hañsī nikaltī hai

    Thahar Thahar ke jalā dil ko ek baar na phūñk

    ki is meñ bū-e-mohabbat abhī nikaltī hai

    bajā.e shikva bhī detā huuñ maiñ duā us ko

    mirī zabāñ se karūñ kyā yahī nikaltī hai

    ḳhushī meñ ham ne ye shoḳhī kabhī nahīñ dekhī

    dam-e-itāb jo rañgat tirī nikaltī hai

    hazār baar jo māñgā karo to kyā hāsil

    duā vahī hai jo dil se kabhī nikaltī hai

    adā se terī magar khiñch rahīñ haiñ talvāreñ

    nigah nigah se chhurī par chhurī nikaltī hai

    muhīt-e-ishq meñ hai kyā umiid o biim mujhe

    ki Duub Duub ke kashtī mirī nikaltī hai

    jhalak rahī hai sar-e-shāḳh-e-mizha ḳhuun buuñd

    shajar meñ pahle samar se kalī nikaltī hai

    shab-e-firāq jo khole haiñ ham ne zaḳhm-e-jigar

    ye intizār hai kab chāñdnī nikaltī hai

    samajh to lījiye kahne to dījiye matlab

    bayāñ se pahle mujh par chhurī nikaltī hai

    ye dil aag hai dil ke nuur hai zuhūr

    nafas nafas meñ mire raushnī nikaltī hai

    kahā jo maiñ ne ki mar jā.ūñgā to kahte haiñ

    hamāre zā.iche meñ zindagī nikaltī hai

    samajhne vaale samajhte haiñ pech taqrīr

    ki kuchh na kuchh tirī bātoñ meñ nikaltī hai

    dam-e-aḳhīr tasavvur hai kis parī-vash

    ki merī ruuh bhī ban kar parī nikaltī hai

    sanam-kade meñ bhī hai husn ik ḳhudā.ī

    ki jo nikaltī hai sūrat parī nikaltī hai

    mire nikāle na niklegī aarzū merī

    jo tum nikālnā chāho abhī nikaltī hai

    ġham-e-firāq meñ ho 'dāġh' is qadar betāb

    zarā se ranj meñ jaañ aap nikaltī hai

    ye baat baat mein kya nazuki nikalti hai

    dabi dabi tere lab se hansi nikalti hai

    Thahar Thahar ke jala dil ko ek bar na phunk

    ki is mein bu-e-mohabbat abhi nikalti hai

    bajae shikwa bhi deta hun main dua us ko

    meri zaban se karun kya yahi nikalti hai

    KHushi mein hum ne ye shoKHi kabhi nahin dekhi

    dam-e-itab jo rangat teri nikalti hai

    hazar bar jo manga karo to kya hasil

    dua wahi hai jo dil se kabhi nikalti hai

    ada se teri magar khinch rahin hain talwaren

    nigah nigah se chhuri par chhuri nikalti hai

    muhit-e-ishq mein hai kya umid o bim mujhe

    ki Dub Dub ke kashti meri nikalti hai

    jhalak rahi hai sar-e-shaKH-e-mizha KHun ki bund

    shajar mein pahle samar se kali nikalti hai

    shab-e-firaq jo khole hain hum ne zaKHm-e-jigar

    ye intizar hai kab chandni nikalti hai

    samajh to lijiye kahne to dijiye matlab

    bayan se pahle hi mujh par chhuri nikalti hai

    ye dil ki aag hai ya dil ke nur ka hai zuhur

    nafas nafas mein mere raushni nikalti hai

    kaha jo main ne ki mar jaunga to kahte hain

    hamare zaiche mein zindagi nikalti hai

    samajhne wale samajhte hain pech ki taqrir

    ki kuchh na kuchh teri baaton mein fi nikalti hai

    dam-e-aKHir tasawwur hai kis pari-wash ka

    ki meri ruh bhi ban kar pari nikalti hai

    sanam-kade mein bhi hai husn ek KHudai ka

    ki jo nikalti hai surat pari nikalti hai

    mere nikale na niklegi aarzu meri

    jo tum nikalna chaho abhi nikalti hai

    gham-e-firaq mein ho 'dagh' is qadar betab

    zara se ranj mein jaan aap ki nikalti hai

    RECITATIONS

    Nomaan Shauque

    Nomaan Shauque

    Nomaan Shauque

    ye baat baat mein kya nazuki nikalti hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY