ye baat waqt se pahle kahan samajhte hain

ye baat vaqt se pahle kahāñ samajhte haiñ

ham ik sarā.e ko apnā makāñ samajhte haiñ

yaqīñ kisī ko nahīñ apnī be-sabātī kā

sab apne aap ko shāh-e-zamāñ samajhte haiñ

bas ik uḌaan bharī hai abhī ḳhalāoñ tak

isī ko ahl-e-zamīñ āsmāñ samajhte haiñ

hameñ bhī khīñchtī hai is kī har kashish lekin

ye ḳhāk-dāñ hai ise ḳhāk-dāñ samajhte haiñ

ye log itne fasurda isī liye to nahīñ

ki dūsroñ ko bahut shādmāñ samajhte haiñ

ḳhudā unheñ bhī ho taufīq is 'ibādat kī

mohabbatoñ ko jo kār-e-ziyāñ samajhte haiñ

ye baat waqt se pahle kahan samajhte hain

hum ek sarae ko apna makan samajhte hain

yaqin kisi ko nahin apni be-sabaati ka

sab apne aap ko shah-e-zaman samajhte hain

bas ek uDan bhari hai abhi KHalaon tak

isi ko ahl-e-zamin aasman samajhte hain

hamein bhi khinchti hai is ki har kashish lekin

ye KHak-dan hai ise KHak-dan samajhte hain

ye log itne fasurda isi liye to nahin

ki dusron ko bahut shadman samajhte hain

KHuda unhen bhi ho taufiq is 'ibaadat ki

mohabbaton ko jo kar-e-ziyan samajhte hain